I. ናይ ሰይጣን ራእይ

“>ኣብዚ ምሉእ ኣድማስ እዚ ሰይጣን እቲ ቀዳማይ፣ እቲ ቀንዲን ኣውራን ዘይሕጋዊ፣ ክፉእን ዓመጸኛን ብዓል ራእይ እዩ።

(SATAN IS THE FIRST, THE FOREMOST, THE ILEGAL, ILEGITIMATE, THE EVIL & REBELLIOUS VISIONARY IN THE WHOLE UNIVERSE OF GOD)

 A. ናይ ሰይጣን ራእይ ካብ ምንታይ ዚመንጨወ፣ ኣብ ምንታይ እተመርኰሰ፣ኣብ ምንታይ ዘተኰረ እዩ?

ናይ ሰይጣን ራእይ ካብቲ ኣዚዩ ርዅስን ዘይንጸህን ድሌታቱ፣ ካብቲ ኣዚዩ ክፉእ ፍቓዱ፣ ካብቲ ኣዚዩ ጠዋይ ዚዀነ ምኽሪታቱ፣ ካብቲ ኣዚዩ ብልሽው ዚዀነ ህንጡይነታቱን ሕልምታቱን ዚመንጨወ እዩ።

እዚ ማለት ናይ ሰይጣን ራእይ ኣብ ፦

1. ኣብ ናይ ሰይጣን ፍቓድ
2. ኣብ ናይ ሰይጣን ምኽሪ
3. ኣብ ናይ ሰይጣን ሽቶታት፣
4. ኣብ ናይ ሰይጣን መደባትን ሕልምታትን

ወዘተ….

ዘተኮረን እተመርኮሰን እዩ።

• ሰይጣን ኣንጻር ኣምላኽ ዚዀነ ናይ ገዛእ ርእሱ ፍቓድ፣ ምኽሪ፣ ሕልሚ መደብ ኣለዎ።
– ኢሳ. 14፡12-15
– (ኢሳያስ 14፡1-23 ብዛዕባ ንጉስ ባቢሎን እዩ ዚዛርብ። እዚ ንጉስ እዚ ግና እቲ ትኽክለኛ መገለጽን ናይ ሰይጣን ወኪልን ስለ ዚዀነ ናይ ሰይጣን መልክዕ፣ ልቢ፣ ባህሪያትን ተግባርን ከም ዘለዎ ኣብ ምድራዊ ንጉስ እዚ ተንጸባሪቁን ተገሊጹን።)
– ህዝቅኤል 28፡11-19 ድማ ኣንብብ።
• ኣብ ኢሳያስ 14፡1-15 እተን “ሓሙሽተ ናይ ሰይጣን ኣነ/ደሊየ” ተባሂለን ዚፍለጣ ተገሊጸን ኣለዋ/።
• ከምዚ ይብል ንስኻ ብልብኻ፦
– ” ናብ ሰማይ ክድይብ እየ” (=ቦታ ኣምላኽ ንምውሳድ)
– ” ኣብ ልዕሊ ኸዋኽብቲ ኣምላኽ ልዕል ክብል እየ”(=ኣብ ልዕሊ መላእኽቲ ኣምላኽ ንምግዛእ)
– ” ኣብ ወሰን ሰሜን ኣብ ልዕሊ ኸረን ኣምላኽ ክቕመጥ እየ።” (=ንህዝቢ ንምግዛእ)
– “ኣብ ልዕሊ ርእሲ ደበናታት ክድይብ እየ”(ኣብዚ ኣድማስ እዚ ናይ ኣምላኽ ቦታ ንምትካእ)
– ነቲ ኣዚዩ ልዑል ክመስል እየ” በልካ።(ክፉእ ናይ ስልጣን ትምኒት)
– I will ascend to heaven;
I will raise my throne above the stars of God;
I will sit enthroned on the mount of assembly, on the utmost heights of the sacred mountain.
I will ascend above the tops of the clouds;
I will make myself like the Most High.

B. ንናይ ገዛእ-ርእሱ ፍቓድ እተፈጥረ መልኣኽ ዋላ ሓደ የለን። መላእኽቲ ንናይ ገዛእ-ርእሶም ፍቓድ ኣይተፈጥሩን ፈጺሞም።

C. መላእኽቲ ኾኑ ደቂ ሰባት
1. ንፍቓደ ገዛእ-ርእሶም፣
2. ንድሌት ገዛእ-ርእሶም፣
3. ንምኽሪ ገዛእ-ርእሶም፣
4. ንሕልሚ ገዛእ-ርእሶም፣
5. ወዘተ… ንኺነብሩ
• እዚ ኣብ ድሌት ኣምላኽን እቲ ዘለኣለማዊ ምኽሪ እቲ ጎይታ ሰማይን ምድርን የለን ፈጺሙ!

D. እግዚኣብሄር ኣምላኽ ፡
1. ኣብ ሕሉፍ ዘለኣለም፣
2. ኣብዛ ሕጂ ዘላ ዓለም፣
3. ኣብታ እተመጽእ ዓለም እንኮ ፍቓድ ጥራይ ኪትህሉ እዩ መኺሩ!
4. እንኮ ጥራይ ማለት እንኾ ጥራይ ማለት እዩ!

E. መግለጺ ዓመጽ፡
1. ዓመጽ ማለት ብሕጽር ዚበለ ቃላት ነቲ ዘይተፈጠርካሉ ዕላማን ህይወትን ምንባር ማለት እዩ።
2. ዓመጽ ማለት ነታ ኣብ ሰማይን ኣብ መድርን ኣብ ልዕሊ ኩሉ ፍጥረት ኣምላኽን ኪትገሃንድ ዘለዋ እንኮ ፍቓደ ኣምላኽ ጥራይ ዘይምንባር ማለት እዩ።
F. እቶም ስፍረኦምን መዓርጎምን ዘይሓደጉ መላእኽቲ እነኮ ራቛሒ ጥራይ ኩሉ ጊዜ ስለ ዘማልኡ እዮም። እንታይ እያ እታ አንኮ ረቛሒ?
1. ነታ እንኮ ፍጽምቲ ፍቓድ ኣምላኽ ጥራይ ስለ ዚነብሩ!
2. ኣብቶም ዘይወደቁ መላእኽቲ ዲስካሽን ዚባሃል ነገር የለን!
3. ብምሉእ ሓይሎምን ብዓቢዪ ሓጎስን ነታ እንኮ ፍጽምቲ ፍቓድ እቲኣ ጥራይ ይነብሩ።
4. ናይዚ ዘመንዚ ጴንጠ ጽሩይ ፍቓድ ኣምላኽ ዋላ ሕዝካሉ ምጻእ፡ ዲስካሽን ኪገብር ዓመት ይወስደሉ!
5. እወ ዘመን ሎዶቕያ እንድዩ ኸኣ እቲ ዘመን! ዘመን ርእይቶ ናይ ሰብ ዚነግሰሉ!
6. ክርሰቶስን እቲ ብሉጽ ሓሳብ ክርስቶስ ከኣ ተወጊዱ ናብ ግዳም ዚወጻሉ ዘመን!
7. ካብዚ ኣምልጥ!