ተፍትሽ ሓሰውቲ ነብያት (ቀዳማይ ክፋል)

ሓደ ካብቲ ናይ ደርጊ ዘመን ዝፍለጠሉ ተፍትሽ እዩ። ሓደ ሓደ ጊዜ ኣብ ከተማታትን ከባብን ተፍትሽ ጥራይ ዘይኰነ ዳህሳስውን ይግበር እዩ። ሰብ ካብ ሓደ ስፍራ ናብ ካልእ ስፍራ ክኸይድ ከሎ ኣኣብ ቦታኡ ተፍትሽ ኣሎ። መካይን ይፍተሻ፣ ሰባት ይፍተሹ፣ ኣቁሑት ይፍተሽ።መጀመርታ ንናይ ስነ-መለኮት ትምህርቲ ናብ ከናዳ ዝመጻእኩ ኣብቲ ናይ ደርጊ ዘመን መወዳእታ ዓመት እዩ ዝነበረ።ኣብቲ ዝመጻእኩሉ ናይ መጀመርታ ዓመት ኣብቲ ናይ ትምህርቲ ናይ ምዕጻው ጊዜ፡ ንምብጻሕ ናብ ርእሲ ከተማ ሓንቲ ክፍለ ሃገር ኣብ ዝኸድኩሉ እዋን ናብቲ ናይ መንግስቲ ቤት ጽሕፈት ውሽጢ ወሰዱኒ። ኣነ እተጸበኹዎ ነዊ ሓጹር፣ ኣጽዋር እተዓጥቁ ካብ ዓይኒ ዝቅልጥፉ ፈጣናት ወተሃደራት እዩ ዝነበረ። ግናኸ ኣይረኣኹን። ንመልክዕ ተባሂሉ ኣብቲ ሰጊርካዮ እተሓፍል እምኒ እተዘርገሐ፡ ሓደ ሰንሰለት ሓጺን ጥራይ እየ ዝረኣኹ። እቶም ኣዕሩኽተይ ኩሎም ሓዲገሙኒ ከይዶም እዮም። ኣነ ግና ኣብቲ ከም መእተዊ ማዕጾ ኰይኑ እተሰማዓኒ ቦታ ሓደ ወተሃደር መጺኡ ንኽፍትሸኒ ተጸበኹ። ኣነ እተጸበኹዎ፡ ከምቲ ኣባና ዝግበር፡ ኢድካ ከም ኣኽናፍ ዘርጊሕካ ተፍትሽ እዩ፡ግናኸ ኣይነበረን።
ሓደ ሓደ ተፍትሽ ዘየድልን ካብ ልክዑ ዝሓለፈን እዩ። ሓደ ሓደ ጊዜ ግና ተፍትሽን ሓለዋን ኣድላዩ ጥራይ ዘይኰነስ ተደላዪን ብግድን እዩ።
ኣብቲ ኣብ ላዕሊ ዝረኣዮና ክፍሊ ጰጥሮስ ብዛዕባ ሓሰውቲ ዝነግረና ዘሎ ሓቂ ነዚ እዩ ዘምልክተና ዘሎ። ካብዚ ክፍሊ እዚ ብዙሕ መብርሂ ከይሃብና ሕደት ሓቂታት ንመልከት።
1. “ግናኸ ነብያት ሓሶት ድማ ኣብ ማእከል እቲ ህዝቢ ተንሲኦም ነበሩ፡ ከምኡ ኸኣ ኣብ ማእከልኩም መምህራን ሓሶት ኪትንስኡ እዮም፡”
ናይ ሓሶት ነብያትን ናይ ሓሶት መማህራንን ሽዕኡ ነይሮም እዮም፣ ሎሚውን ኣለዉ፣ኣብ መጻኢውን ጐይታ ዳግም ክሳዕ ዝመጽእ ክህልዉ እዮም።ብዙሓት የዋሃት ክርስትያናት፡ ነቢዪ ዝባሃል ኩሉ ሓቀኛ ጥራይ ይመስሎም።ዋላ እቲ ሓሳዊ ብስም ጐይታ ስለ ተዛረበስ ሓቀኛ ይመስሎም። እዚ ዝመስሎም ድማ ብስም ጐይታን ኣብ ውሽጢ ቤት ጐይታን ሓሰውቲ ዝነብሩ ስለ ዘይመስሎም እዮም። እቲ ሓሳዊ እኮ ሓቀኛ ንምምሳል፡ እንተ ወሓደ ብስም ጐይታ ክዛረብ ኣለዎ። እንተ ወሓደ!
2. እዞም ሰባት እዚኣቶም ነቲ እተሻየጦም ጐይታ ዝኽሕዱ እዮም።
እቲ ኽሕደት ብቃል፣ ብናብራ፣ በካይዳን ብትምህርትን ክኸውን ይኽእል። ክሕደት ናይቲ ናይ ሓቂ ኣካይዳ ተቃራኒ ዝዀነ ኣካይዳ እዩ። እዚ ናይ ግድን ተቃራኒ ዝዀነ ኣንፈት ኣለዎ ማለት ኣይኰነን። ጎድኒ ጉድኒ ኰይኑ ግናኸ ካብ መስመር ዝወጸ ኣካይዳ ክኸውን ይኽእል እዩ። ስሕተት ክጅምር ከሎ “ዝመቱ”/Sorry! I need help-I do not know this Amharic word/ ኣዚዩ ንእሽቶ ክመስል፡ ክኸውን እውን ይኽእል እዩ። ስሕተት ዘይክመስልውን ይኽእል እዩ። ብብዝሒ ጊዜ ግና ርሕቀቱ መንነቱ/እንታይነቱ/ የርኢ።
3. ናይ ቅልጡፍ ጥፍኣትን ናይ ዘጥፍእ መናፍቕነት/ኑፋቐ-ሀረሲ/ ምንጪ እዮም።
ኑፋቐ ዝብል ቃል፡ ምንፋቕ፣ ምምምቃል፣ ምቁራስ ንዝብል ሓሳብ ጨቢጡ ዝሓዘ ቃል እዩ። ሓሰውቲ ነብያት ገዛእ ርእሶም፡ ካብታ ነባር ማሕበር ዝወጹ እዮም።ነታ ናይ መጀመርታ ማሕበሮም፡ጉባኤኦም ዝጅምሩሎም ማይብሑቕ፡ ነፊቖም፣መቒሎም፣ዝወስዱዎም ካብተን ነባራት ማሕበራት ብምስሓት፣ ብምትላል፣ ብምውንባድ፣ ብምኽሓድ ናይ ሓሶት ተስፋታት ብምሃብ እዩ። ታሪኾም እዚ እዩ።
4. ነቲ ኑፋቐ/ መናፍቕነት/ ዘተኣታትውዎ ኣስሊኾም እዮም።
ብማዕጾ ኣይኣትዉን።ክኣትዉን ክወጹን ብመስኮት እዮም።ብቀዳድ እዮም ዝኣትዉን ዝወጹን። ገለ ገሊኦም ዝኸፍቱዋ ንእሽቶ ቀዳድ፡ ድማ ድሕሪኡ ብዙሕን ዓበይቲ ገይጋታት/ስሕተትስት/ የእትዉ። ከልቢ ዝቀደዶ ዝብኢ ይኣትወሉ ከም ዝበሃል። ሓሰውቲ ካብ ማሕበሮም ተመሪቆም፣ ናይ ወንጌል ሕድሪ ሒዞም ዘይኰነስ፣ ማሕበር ከስፍሑ ዝኸዱ ዘይኰኑስ፡ ክኣትዉን ክወጹን ሰሊኾም እዮም። እቲ ኣብ ላዕሊ ዝበልኩዎ ተፍትሽ ዘድሊ እምባኣር በዚ ምኽንያት እዩ።
5. ብዙሓት ድማ ብርኽሰቶም ኪስዕብዎም እዮም፡
እዚ “ርኽሰት” ዝብል ቃል እዚ፡ ናይ ቁጡብነት፣ ናይ ልክዕነት፣ ናይ ውሱንነት ተቃራኒ ዝዀነ ልክዕ-ኣልቦነት፣ ፍኑውነት፣ ስድነት ማለት እዩ። ሓሰውቲ ነብያት ነቶም ተታለልቲ ዝዀኑ ሰዓብቶም ብስም “ነጻነት” ንስገኦም/ስጋዊነቶም/ ሓርነት ይእውጁሎም። ገለ ገሊኦም፡ “ንሕና መንፈስ ኢና! ብስጋ እንገብሮ ነገር ንመንፈስናን ነፍስናን ኣየርክሶን!” እናተባህለ ንገዛእ ርእሶም ናይ ርኽሰት ባርያ ክሳዕ ዝገብሩ ይበጽሑ።
6. ብሰሮምውን እታ መገዲ ሓቂ ኽትጽረፍ እያ።
ንኣምላኽ ዝጸልኡ ሰባት ዝዀነ እንተዀነ ንእኡ ንምጽራፍ ኣፎም ምኽፋት ዘይተርፍ ነገር እዩ። እቲ ጸርፊ ግና ንክርስትያናት ተተርኢስኻ እንተዳኣ ኰይኑ፡ ስም ኣምላኽን እታ መገዲ ሓቅን እትጽረፍ፡ በቶም ብስሙ ዝጽውዑ ግና ኸኣ ብስሙ ዝነግዱ ሰባት እዩ። ከምቲ ሓሰውቲ ንስም ኣምላኽን ነታ መገዲ ሓቅን ዘጽርፉዎ ጸርፊ ዝበለ ካልእ ጸርፊ የለን።
7. ብስስዔ ገንዘብ/in their greed/
እዚ ኣብዚ ስሰዐ ተባሂሉ ዘሎ ቃል ትምኒት፣ ህርፋን፣ ስሱዕነት ማለት እዩ።እዚ ቃል እዚ ሓፈሻዊ ብዝዀነ መገዲ ብዛዕባ ኩሉ ዓይነት ህርፋን ዝዛረብ እኳ እንተዀነ፡ ኣብዚ ክፍሊ እዚ ግና ምስ ስሰዐ ገንዘብ ዝተኣሳሰር እዩ። ናይቶም ናይ ሓሶት ነብያት ዝዓበየ ኣጀንዳ ገንዘብ እዩ።ናይ ሓሶት ነብያት ገንዘብ፣ ካዝና/ባንክ ኣካውንት/፣ ኣተሓሕዛ መዝገብ፣ ክትፍትሽ ምፍታን ዘይሕሰብ ነገር እንተዳኣ ኰይኑ፡ እዚ ሓደ መፍለጢኦም ምልክት እዩ።ሓሰውቲ ነብያት ስም ሓደ ሃብታም ሰብ እንተዳኣ ተጠቂሱ ልዝያቶም እዩ ከንጠብጥብ ዝጅምር። ስሰዕ ዝብል ዘሎ ቃል ትርጉሙ፡ ካልኦት ሰባት ክበልዑ ከለዉ፡ ብምርኣይ ከልቢ ልዝያቱ ከም ዘንጠብጥብ ማለት እዩ። ሓሰውቲ ነብያት በዝበዝቲ እዮም። ናይቲ ብዝበዛኦም መበገሲ ድማ ንገንዘብ ዘለዎ ስሰዐ፣ ንገንዘብ ዘለዎም ህርፋን፣ ንገንዘብ ምስ ዘለዎም ፍቕሪ ዝተኣሳሰር እዩ። ፍቕሪ ገንዘብ ድማ ሱር ኩሉ ክፍኣት እዩ ተባሂሉ ኣሎ! (1ጢሞ. 6፥10።)
8. ብዘረባ ጥበራ… /with feigned words, /
እዛ ኣብዚ ትግሪኛ “ብዘረባ ጥበራ” እትብል ቃል ኣብቲ ኣምሓሪኛ፡ “በተፈጠረ ነገር” እያ እትብል። ዘለኣለም መንግስቱ ሓውና ነዛ ቃል እዚኣ ከም ዝስዕብ ይገልጻ፦
እተፈጥረ/የተፈጠረ/ ዝብል ቃል በቲ ጰጥሮስ ዝጸሓፎ ቛንቋ ፕላስቶስ ዝብል ቃል እዩ። እቲ ፕላስቲክ ዝብል ናይ እንግሊዝኛ ቃል ካብዚ ዝመንጨወ እዩ። ብቀሊሉ ተጠፍጢፉ፣ ተዓጻጺፉ እተቀርጸ፣ እተሰርሐ፣ እተገብረ ማለት እዩ። ሓሰውቲ ነብያት ዝፍለጥሉ ካልእ መፍለጢ፡ እቲ ዝፈጥሩዎ ሓሓደስቲ ትምህርቲ እዩ። መጽሓፍ ቅዱሳዊ ምእንቲ ከምስልዎ፡ ምስቲ ትምህርቶም ዝቀራረብ ሓደ ወይ ክልተ ጥቅሲ ይደልዩ እሞ ዝገበሩ ገይሮም/=ብተኻእሎም መጠን/ ነቲ ናይ ሓሶት ትምህርቶም ወይ ልምምዶም ምስቲ ጥቅሲታት ይብይድዎ፣ የጣብቅዎ፡ ቀጥቂጦም ጠፍጢፎም ይሰርሕዎ፡ ይፈጥሩዎ።
( እዚ ናይተይ ናይ ኣሼር/ኣሴር/ ተወሳኺ ሓሳብ እዩ=> ዘገርም እዩ! ኣብቲ ስትሮንግስ እንታይ ከም ዝብል ተመልከቱ፡ Strong’s G4112 – plastos
Strong’s G4112 – plastos=> moulded, formed, as from clay, wax, or stone; feigned=> ፕላስቶስ =
 ምቅራጽ፣ ምግባር፣ ከም ካብ ጭቓ፣ ስምዒ፣ሰፈፍ ወይ እምኒ;
 Feigned =>ዝብል ቃል ኣምሰለ፣ መሃዘ፣ ፈጠረ፣ ኣመሳሰለ ዝብል ትርጉም እዩ ዘለዎ።
πλαστός plastós, plas-tos’; from G4111; moulded, i.e. (by implication) artificial or (figuratively) fictitious (false):—feigned.) =ኣርተፊሻል፣ ምህዞኣዊ፣ ፈጠራዊ፣ ልብወለዳዊ፣ ናይ ሓሶት ማለት እዩ! )
9. መናገዲ ኺገብሩኹም እዮም/they make merchandise G1710 of you/
እዚ ከኣ ናይ ንግዲ ቃል እዩ። መናገዲ ክገብሩኹም መሸቀጢ ኽገብሩኹም፣ መኽሰቦም መርከቢ ኽገብሩኹም ማለት እዩ።(እቲ ናይ ግሪክ ቃል እምፓሮማይ እዩ ዝብል/emporeuomai/ ትርጉሙ ከኣ ንሓደ ሰብ ወይ ከኣ ንሓደ ነገር ንረባሓ፡ ንመኽሰብ ክትጥቀመሉ ከሎኻ ማለት እዩ/ merchandise=> ማለት ኣቕሑ ንግዲ፣ ዝግዝኡን ዝሽየጡን ኣቕሑ ፣ ሸቐጥ ማለት እዩ።/ እዚ ቃል እዚ ኣብ ሓድሽ ኪዳን ክልተ ሳዕ ጥራይ እዩ ተጠቂሱ። እቲ እዚ ቃል እዚ እተጠቅሰሉ ካልእ ስፍራ እቲ ኣብ ያእቆብ 4፡13 “ክንነግድን ክንረብሕን” ዝብል እዩ። “እስኪ ሕጂኸ ንስኻትኩም፡ ሎሚ ወይስ ጽባሕ ናብታ ኸተማ እቲኣ ንኺድ እሞ ኣብኣ ዓመት ንግበር፡ ክንነግድን ክንረብሕን ኢና፡ እትብሉ፡”
ሓሰውቲ ነብያት ናይ ንግዲ ፍቓድ ዘየውጽኡ ነጋዴታት እዮም። ንግዲ ብገዛእ ርእሱ ጽቡቕ ሞያ እዩ። እዚኣቶም ግና ነጋዴታት ዘይዀኑስ ሻጢረኛታት ነጋዴታት እዮም።
10. “ፍርዶም ካብ ቀደም ኣይዐርፍን ጥፍኣቶምውን ኣይድቅስን እዩ”
ኣብ መወዳእታ ፍርዲ ኣሎ! ዋላ እኳ እንተ ዘይመሰለ እቲ ፍርዲ ዘይተርፍ ሓቂ እዩ።
ብፍላይ ክደራጀዉ፣ክብልጽጉ፣ ካብቶም መሳኪንውን፡ ካብቲ ሃብታማትውን ሰዓብቶም ብዘኣከብዎን ሰብ ኣዱኛ/ኩሉ ዝሰለጠሎም/ እተዀኑ፡ ኣብ እቶን ቈይሞም ከም ዘልዉ ኣይመስሉን። ይኹን ደኣ እምበር ዘይድንጒ ፍርዲ ኣሎ፡ ዘይድቅስ ጥፍኣት ኣሎ!

(ብሓውና Zelalem Mengistu እተጻሕፈ!)
ትርጉም/Translated by/ Asher Reda Semere